Treningar 2006

Sundag 12. nov.:

Laurdag 11. nov.:

Sundag 5. nov.:

Laurdag 4. nov.:

Lørdag 7 okt. frå trafostasjonen ved Litlabø:

Rekruttreningar 2006

Terminliste

Torsdag 11. mai 2006

Torsdag 14. september 2006

Torsdag 7. september 2006

Diverse fellestreningar

Sundag 17. des.:
Me møter på parkeringsplassen på hjørne av gamle Valvatna bossdunge. Me spring ein stor utvida runde rundt Storavatnet. Me er innom Vassenden, Rødkleiv, Dalsskarsv, Holmedalsv?, Dybvikesåta, Utslettefjellet, Grunnavågen, Sætreviksmarka

og kanskje Almåsmarka på vei rundt.

Foto: JH

Stigning opp til Dalskardvatnet! Foto: JH

Ein smak av vinter – det var våte, kalde myrar – retteleg snadder. Foto: LHF

Her har 3 av 4 fått nok – og rettar nåsi heimatt, men Bjarthe må ha litt til. Foto: JH

Søndagens trening hadde frammøte ved den gamle bossdungen ved Valvatna. Møtte 4 ivrige langdistansekongar i finværet. ( Bjarthe , Kenneth , Lars Harald og Jarle )

Bjarthe tok føringa mot nord over Haljengeåsen og Krakateigsåsen til Vassenden.

Vidare sprang me langs Storavatnet , via Dale , Dalsløkjen , og Dalsskar opp den laaange bakken til Dalskarsvatnet.( Veldig tung bakke ) Litt snø på bakkane møtte oss her i ca. 246 m høgde. Det gjorde at fleire av oss blei vel kalde på beina ei stund ... Litt nord for Dalskarsvatnet ville Bjarthe ta ein lengre tur enn oss 3 andre . Han blei sist sett i retning Petarteigsvatnet ..Spreking !!

Oss andre dødlige tok turen langs austsida av Ørnungefjedlet og ned dalen til Rutletjødno. Me var blitt trøtte no, og byrja fabla om kor langt det var heim igjen.Litt for langt meinte ein.. Etter ein liten diskusjon blei me enige i å springa over til Hustrudalsvatnet , langs ovudvegen til Dale og inn i skogen langs Storavatnet , via Vassenden og tilbake til Bilane ved bossdungen. Total tid på turen 2 timar og 20 minutt.

Laurdag 16. des.:
Me møter på parkeringsplassen ute ved miljøtunellen på Digernes. Der spring me ei o-teknisk løype. Ingen postar ligg ute, men god trening alikevel. Stord sitt mest o-teknisk krevende terreng. Dei som har kart tar med seg det + kartmappe..

To spreke blad Westerheim. Foto: JH

Møtte heile 10 ivrige o-løparar på laurdagens trening på Digernes kartet.. ( Kan det vera pga det snart er Romjulsløp ? ) Frammøtet var ved parkeringsplassen rett før miljøtunnellen i Digernes. Bjarthe hadde laga ei teknisk krevjande løype med mange postar ,som gjekk på begge sider av vegen. Trur ikkje det var nokon som klarte løypa bomfritt, eller ?

Fleire hadde problem med og lesa kartet i det stadig mørkare været , som enda i klimaks med ei kjempe hagleskur. "Minna mest om nattorientering på slutten..utan lys"..var det ein som meinte etter målgang.

Sundag 12. nov.:
Guide Harald. Turen vil starte ved kunstgrasbanen. Kort stykke på asfalt opp i Fitjarstølane. På sti opp i Vindmølleland til Kyrkjevatnet, vidare til Svartavatnet. Vi skriv oss inn i boka ved Kjeringa før turen går på sti i retning Mehammarsåta. Tar av fra stien ved Mosavatnet, og set kursen mot Botnavatnet. Vi skriv oss inn i boka ved den store steinen i Tveitabotnen, og tar fatt på stien langs Botnavatnet. På sti mot Vik til vi nærmar oss bebyggelsen. Derfra på sti/skogsvei mot Rimbareid og Volden. Så venter varm dusj i garderoben ved Kunstgrasbanen..

Dei som møtte i dag ved kunstgrasbanen på Fitjar var Oddmund, Jarle, Kenneth, Jacob, Bjørn og Harald som var vegvisaren for oss.

Blei heller surt rett etter starten oppover mot Svartavatnet som sku vera første stoppen idag. Der sku me prøva og skubba kjeringo utpå vatnet. Men som alle mannfolk veit, det er ikkje lett å flytta på ei sta kjerring, sjølv ikkje i dag på sjølve farsdagen !

Oppå toppane var det Kenneth og Jacob som hadde det kaldast i sluddet og vinden som var der. Kenneth stilte som vanlig utan lue og hanskar, men Jacob hadde på seg joggesko med ekstra lufting, noko som passa veldig dårleg i dag.

Uhell hadde me og . Harald datt og fekk etterkvart ein tommel som vart større og større. Likna mest på ei klumprot mot slutten.

Alt i alt blei turen på 2 t og 35 min. effektivt , etter Oddmund si klokka. ( 2 t 50 på mi.. )

Må tilslutt rosa dei tøffe ungdomane Bjørn og Jacob som var med heile turen, uten noko form for klaging undervegs. "Viser guts da ! " (red. anm: ”Men da va no litt i lengsta laget!?!”)

Neste søndag blir det ingen fellestrening , då er det "Huttetu" på Bømlo der alle som var med på dagens trening skal vera med. (Bildet viser Kjeringo ved Svartavatnet)

Laurdag 11. nov.:
Roleg tur frå Vabakken i vått haustvær. Det var kun dei to tøffaste som møtte; - Lars Harald og Bjørn.

Sundag 5. nov.:
Planlagt tur, frå Lundekollen via Barlindedalen – Tysevatnet – rundt Budalsfjellet – Ravatnet – Tysevatnet – Vaulane – Lundekollen, måtte utsetjast grunna regn og ruskevær.

Dei som møtte i dag var Lars Harald , Oddmund , Kenneth , Jarle , Bjørn og Harald. Pga ekstreme nedbørsmengder og vind, måtte fjellturen i dag utsettast. Istaden møtte me i løa til Morten Halland på Presthaug. Der fekk me byta på oss innandørs . Turen gjekk først langs vestsida av Eskeland og Førland. Ved Førland fekk me dagens første stunt. Lars Harald sku hoppa over ein bekk med litt for stor vannføring .I det han sku satsa , sokk underlaget og han ramla uti med heile den lange skrotten! Vakkert! Litt av eit syn J Etter stuntet runda me tilbake langs stiar og hjortetråkk på austsida av Lundeåsen til Iglatjødna. Var mykje vatn alle stader . Bl.a. var deler av hovudvegen mellom Eskeland og Førland under vatn! Då me kom til Vad , skilte gjengen seg i to grupper : Dei to sprekaste, Oddmund og Harald, tok ei ekstra sløyfe på ca 30 min, mens resten sprang stiar og skogsvegar tilbake til løa på Presthaug.

Laurdag 4. nov.:
Einmannsstafett med frammøte ved Øvre Økland ( der skogsvegen går til Stuva ). Jarle er løypeleggjar. Blir litt oppvarming fram til staden der løypa starar ( 10 min. ). Ingen postskjermar, kun sikre detaljar. Løypa blir i 4 sløyfer a ca 1 km. Dermed kan ein møta om kondisjonen er i vinterdvale og. Det er berre å ta færre sløyfer.

Var einmannsstafett vest av Øvre Økland i litt kaldt og rufsete vèr. Likevel møtte det opp nokre sprekingar denne dagen og. Som vanlig møtte Oddmund , Jarle , Ole , Kenneth og Lars Harald . I tillegg var det gledelig at Edel , Steinar og Bamse møtte. Kenneth var raskast rundt dei 4 sløyfene , tett følgt av Oddmund, men pga at Kenneth tok ein Ingrid Espelid og ”fuska litt ” var Oddmund den moralske vinnaren i dag J Hjort møtte både Oddmund og Ole på undervegs. Ole møtte to i ein tett granskog . Då dei først sprang mot han, før dei snudde , måtte han tilstå at pulsen auka til maks …. Tøfft å trena på Stord no for tida!

Sundag 29 okt.:
Søndag 29 oktober møter me med vatna (ved bommen) (nedanfor sandtaket). Om veret tillet det drar me til fjells og turen vil starta med bakkane opp til Ravatnet.(Der styrer sjølvsagt dei som føler seg i minst god form farten så alle kjem seg opp.) Deretter spring me mest mulig på stiar og evt snur etter passelig tid. Om veret er dårlig finner me ei løype i litt lågare lende.Uansett så er vel fjelljoggesko (ka no det er) greit nok til denne turen.

Regn , regn og atter regn ! Det var det som møtte oss ved frammøte ved Øvre Økland. Kun dei tøffaste av dei tøffe møtte idag ( Oddmund , Kenneth , Harald , Jarle ). Turen gjekk først opp til Inntaksdammen i Vatnadalen , vidare langs stiar og skogsvegar til Rutle. Frå Rutle opp

til Dalskardsvatnet og ned til Røldkleiv og heim "strakaste veg " som DDE syng så stygt .

Kenneth var den som var vegvisar for oss idag. Han la ut i ganske raskt tempo for og visa at han har "guts" til å vera med i teten i "Huttetu" som går på Bømlo om 14 dagar. Trur likevel Oddmund blei meir beroliga enn skremt :-) Flott tur i delvis raskt tempo og heile tida i regn !

Laurdag 28 okt.:
Frammøte ved Vannverket (ved Myraskogen). Der vert det høve å orientere seg fram til postar i Lønning-skogen og Ås-skogen.

Lørdag : Møtte kun tre ivrige o-løparar til lørdagens trening . Kor er alle andre o-løparar hen ? Iallefall , Oddmund hadde laga ei kjempegod løype i området Lønningsåsen og i skogane på Ås. Løpa var veldig variert med fleire langstrekk som fekk hjernebarken til å jobba på høg gir. Det er ikkje lett å finna raskaste vegval gjennom boligfelt , fekk me alle tre erfara. Fleire kortstrekk innimellom langstrekka , gjorde at me måtte skjerpa oss heile tida. Alt i alt, ei fin økt, som mange fleire burde møtt opp på!

Sundag 21 okt.:
Frammøte ved Hetlesæter der Oddmund er turleiar. Vi føl småstiar til ski-lysløypa og vidare forbi Fjellstova og over til Vatnadalen. Heim igjen forbi Hauglandskvedno - Sjoalemyro - Grov - Hetlesæter(småstiar).

Etter all nedbøren i natt var det kun 5 stk. som var tøffe nok til å møta på dagens trening frå Hetlesæter. Det var Bjørn , Jarle , Oddmund , Lars Harald og Harald .

Til dåke som låg halve natta og høyrde på regnet som slo mot taket : Det var vått idag ! (sjå på bilda kor regnet høljar ned ..) Stiane flaumte over av vatn , små bekkar var store som elvar , myrene likna meir på små innsjøar enn myrer...

Nei so gale var det faktisk ikkje når me først kom igang. Då me hadde sprunge i vel 40 minutt oppover og sørover forbi Fjellstova og ned mot Vatnadalen delte gruppa seg i to. Dei to sprekaste idag, Oddmund og Harald , sprang vidare ned i Vatnadalen , mens dei 3 andre sprang ned til Hauglandskvedno. Derifrå sprang dei stiar , skogsvegar , myrer tilbake til Hetlesæter der det venta bananer og ei kald og god Cola i bilen...Smakte utmerka :-)

Kryssing av den vesle bekken vest for Hetlesæther. (Foto: Jarle Halland)

Hauglandskvedno og kursen kan rettast attende til Hetlesæther. (Foto: jarle Halland)

Kryssing av bekk sør for Hetlesæther, (inkl. gratis skovask). (Foto: Jarle Halland)

Laurdag 21 okt.:
Frammøte ved brua på Vad kl 13.30. Deretter fer me samla til ein stad der det blir einmansstafett. Siden det ikkje blir brukt postar bruker eg tydlige detaljer så ingen skal snuska seg til ekstra gode tider.(Dei som ynskjer kan ha med seg god gamaldags klokke med strekktider på.)Det blir opp til ein sjølv kor mange sløyfer ein vil springa ,men eg vil tru at tida for dei fleste vil ligga på 35-55 min.:)Ta med plastmappe til kart dei som har.

Møtte 7 stk. på treninga idag, Kenneth , Ole , Jarle , Lars Harald , Oddmund , Rune og Helen.

Flott at Hordalands beste herre og dameløpar, Rune Nygård og Helen Martinsen, var med oss frå Stord.

Bladet Sunnhordland møtte og opp for eit intervju med Kenneth om O-sporten på Stord. Litt bildetaking blei det og før starten gjekk på terninga.

Me hadde einmannns stafett i området mellom Saneset og Vad. Regntunge myrar gjorde løypa kjempetung. Bestemann idag blei ikkje uventa Rune Nygåra , tett følgt av evigunge Oddmund Roalkvam. Alt i alt ei kjempegod trening i regnværet.

(Foto: Jarle Halland)

Søndag 15 okt.:
Frammøte på parkeringsplassen i svingen etter Rydlandssaga (om ein kjem sørfra) .Me startar på traktorveg ,tar av på sti opptil Fuglatjødno,der me bender av på småsti og spring på ryggen opp til Prestavarden(422 m.o.h). Er det fint ver er det flott utsikt her oppe. Prestavarden er sterkt undervurdert som turmål, då ferda opp der går i eit meget fint terreng. Me spring ryggen vidare bort til Mennene der me svinger nord og litt ner og runder Budalsvatnet. Der følger me som ellers på turen også raumerka turstiar forbi Sæterbølio,foten av Sæterbøfjellet og fram til Svalevatnet. Der hektar dei som er nøgde med dagen seg av og spring ned samme vei fra Fuglatjødno som dei sprang opp. Dei andre hektar seg inn på eit hjortetråkk som fører dei over i Vekslio der dei spring ned traktorvegen og følgjer småsti over til stemmeTjødno og bilane att.
Turvande fotty er kanskje o-sko men såkall stisko skulle vel funka her og. Pga den gode ettersommaren heng det igjen ein del høgt gras i trassear rundtom, men ikkje verre en at det skal gå fint. Lengde 1.45-2.15 alt etter trase. Om dårleg ver får og lavt skydekke får me ev prøva ein alt tur i låglandet med samme utgangspunkt. Sjølv blir underteikna borte i 4 helger på rad etter dette, men me satsar uansett på å sy sammen eit program heile vegen. I tillegg kjem den siste års innarbeidde turen på fredager frå Vabakken 15.30 der me spring ca 1.15 på stiar/traktorveg. I fjor var me vel oppe i 14 stykker på det meste her.

Gi gjerne beskjed til andre om desse treningane. Vel møtt!

Bjarthe

Takk til flott opplegg Bjarthe ! Alle hang med på heile runden , untatt den sjuke ,skjeggete mannen bakerst på dei fleste bildene ;-)

(Foto: Jarle Halland)

Lørdag 14 okt.:
Frammøte ved Presthaugshavet i løa til Jarles bror(i bakken over fe-rista ved fjellgardskryssen) KLOKKA 13.30
Deler av o-løypa går i eit o-terreng som ikkje er brukt siste 15 år. Delvis på innmark og i høgreist granskog m.a. Løypa går på begge sider av
Fjellgardsvegen, slik at løypa krysser forbi startpunktet undervegs. Derfor passer deler av løypa og godt for dei som ikkje er like rutinerte o-messig. Dei som møter vil få innandørs garderobe. ( Med varme )
Hjortejakta er ferdig på "sjoalemyrsida " , mens det på "Lundeåsensida" er avklart med jægarane om å ikkje jakta i tidrommet me spring. Dei har og fått kart over kor postane ligg. Så alle løparane skal vere trygge for og ikkje møta på ein jæger med børsa klar til avfyring....men hjort vil dåke trulig sjå...

8 stk. møtte på treninga idag på Presthaug. Det var Jonny , Oddmund , Bjarthe , Jacob , Ole , Bjørn , Atle og Øyvind Skålevik som hadde teke turen frå Fitjar . Topp !

Bjarthe og Oddmund var som venta dei som sprang fortast idag, men ingen klarte å springa utan bom. Det var særlig 5., 6. og 7. posten løparane bomma på.

Hjort fekk fleire sjå som eg lova før løpet . Jacob t.o.m ein som kom glidande sidelengst ned ein bratt bakke han sku passera . Var visst litt av eit syn !!

Terrenget var flott meinete dei som møtte ,noko som inspirera undertegna til å prøva ein annan gong i same terreng.

(Alle foto: Jarle Halland)

Lørdag 7 okt. frå trafostasjonen ved Litlabø:
5 sprekingar møtte til ein kjekk runde på 70 min. Hustrudalen - Dalskarvatnet - Rødkleiv. Bjarthe var kjentmann og viste veg langs sti og hjortetrakk. Morosamt med nye stiar. Tempoet var roleg og her hadde vore plass til fleire. Det var ein våt dag, men det er rart kor lett det likevel går når ein først er komen ut på tur og er fleire i lag. Me ser fram til turen frå Rydlandssago 15. okt.!

Rekruttreningar 2006

Terminliste

Tid	Type trening	Frammøte	Kart	Ansvarleg	Diverse info.
April
20/4 18:00	Vegvalstrening + rekruttløype	Yrkes-skulen	Landåsen + Skulekart	Ole F. H.	Dei eldste trenar på å finna beste vegval mellom postane undervegs i løypa. Resten spring ei morroløype på skulekartet.
27/4 18:00	Ein manns-stafett	Hystad Skule	Div.. kart	Arne B:	Fleire småløyper av forskjellig vanskegrad, der kvar einskild løpar spring ei og ei løype i forskjelleg rekkefølge.Må innom mål for å hente nye løyper undervegs. Fellesstart !
Mai
4/5 18:00	Stjerne-orientering , N og B nivå .	Langeland Skule	Skulekart + Landåsen	Arne –Henrik	Vanleg o-løype med innlagt stjerneorientering. (Småsløyfer der løparen har nokre postar i ”stjerneform” via ein fellespost ein er innom fleire ganger.
11/5 18:00	2 manns-stafett	Vabakkjen	Landåsen	Jarle	Me prøver oss litt på stafett trening for dei eldste og ei rekruttløype for dei yngste.
18/5 18:00	Kurveorientering	Hystad Skule	Div. kart.	Åge	Åge fjernar detaljane på kartet etter nivået på løparane.Dei som får den vanskeligaste løypa har kun høgdekurvane og orientera etter !. Vanskeleg ? Ja , men ta utfordringen ! Utruleg moro !
24/5 18:00 NB! Onsdag	” Følg med løype ”for dei eldste og vanleg rekruttløype for dei andre.	Saneset	Lundeåsen	Kenneth	Dei eldste : Kenneth spring først, stopper og løparane viser på kartet kor dei meiner dei er.Heile tida skal løparane prøva å følga med på kartet ved hjelp av å føre tommelen på kartet der ein til ei kvar tid er.
Juni
1/6 18:00	Valfritt opplegg	Hystad Skule	Ådlands-marka	Bjørn og Jacob	Vent å sjå….
8/6 18:00	Stjerneorientering , N og B nivå .	Vabakkjen	Skulekart + Landåsen	Bjarthe	Vanleg o-løype med innlagt stjerneorientering. (Småsløyfer der løparen har nokre postar i ”stjerneform” via ein fellespost ein er innom fleire ganger.
15/6 18:00	Ein manns-stafett	Rommetveit	Skulekart	Per Svein	Fleire småløyper av forskjellig vanskegrad, der kvar einskild løpar spring ei og ei løype i forskjelleg rekkefølge.Må innom mål for å hente nye løyper undervegs. Fellesstart !
22/6 18:00	Postplukk med morroinnslag.	Hystad Skule	Vent å sjå..	Lars-Harald, Arne , Jarle, Bjarthe.	Avslutning før ferien. Me prøver å lage noko moro i lag denne dagen.
August
17/8 18:00	Vegvalstrening + rekruttløype	Vabakkjen	Landåsen	Jarle Halland
24/8 18:00	Løype med ”sommerfuglar ”	Saneset	Lundeåsen	Bjarthe Westerheim
31/8 18:00	Einmanns-stafett	Rommetveit	Skulekart.	Kenneth Westerheim
September
7/9 18:00	BING-O	Hystad Skule	Skulek. + Ådlandsmarka.	Lars Harald Frugård
14/9 18:00	Valgfritt opplegg	Vabakkjen	Landåsen / skulekart	Ole H. / Bjørn J. Field
21/9 18:00	Einmanns-stafett	Langeland skule	Skulekart.	Arne Bergsvåg